Ґрупа приятелів меншын (Skupina priateľov menšín, SPMN) в Народній раді Словацькой републікы (НР СР) розшырює свою діялность о меджінародну співпрацу із Асоціаційов про баданя народностей (Association for the Study of Nationalities, ASN). Нова співпраца має забезпечіти якостнішу словацьку леґіслатіву. Аґентуру TASR о тім інформовав єден із основателів ґрупы, бывшый уповномоченый про ромскы комуніты Абел Равас. Ґрупа приятелів меншын конштатує, же з причіны абсенції меншыновой партії в парламенті бракує фаховый погляд на леґіслатівны пропозіції з боку меншын. Фаховці із SPMN і ASN подля нього в рамках співпраці продіскутують веце ключовых тем в области меншыновых прав. Перша діскусія проходила в 7-го септембра 2022-го року в Братіславі, участный на ній быв презідент асоціації Флоріан Бібер. Фаховці бісідовали о темах признаня меншын, меншыновій репрезентації і демократізації меншын. Цільом Ґрупы приятелів меншын є перепаяти фаховців у области меншыновых прав із депутатами Народной рады Словацькой републікы. За веце як рік од свого выникнутя ґрупа вже припомінковала понад штиридцять законів із досягом на жывот народностных меншын на Словакії. (TASR, Pkf)