О місце председу Пряшівского самосправного края  (PSK) ся буде уходити цілково десять кандідатів. Двоє кандідаты суть незалежны, вісем номінували політичны партії, рухы і їх коаліції. Пресаґентуру TASR о тім інформувала записователька волебной комісії PSK Марія Лукачікова. О місце председу ся будуть уходити Інґрід Томкова (Kотлебовці – ĽSNS), Ян Бінц  (незалежный), Михал Біґаніч (незалежный), Любомір Ґоліяш (Рух Жытель Народ Справодливість), Йозеф Мігалчін (Сердце – Словеньска народна єднота – партія патріотів), Патріціа Ревакова (Народна коаліція/Незалежны кандідаты), Філіп Куффа (Жывот – народна партія), Мілан Мазурек (Републіка), Мілан Маєрскый (KDH, Сьме родина, SaS, За людей) і Михал Каліняк (Глас-SD, Смер-SD, SNS, Аліанціа). Повномочны воличі вырішать в осінніх вольбах і о обсаджіню 65 посланецькых мандатів в 13 волебных обводох. Споєны самосправны вольбы до орґанів міст і сел  і орґанів самосправных країв ся одбудуть в суботу 29-го октобра. Волебна кампань ся скінчить 48 годин перед дньом волеб. (TASR, Pkf)