Польскый презідент Андрзей Дуда в часі навщівы Києва вызвав на ліквідацію пліноводу Nord Stream 2 в Балтскім морю меджі Російов і Німецьком. Увів то на їднаню тзв. кримской платформы. Пресаґентура TASR справу перевзяла од аґентуры DPA. Дуда выголосив, же у звязку з односинами з Москвов уж „неіснує шанса на навернутя к нормалности“. Єдночано вызвав на аплікацію новых правил на одстраніня пліноводу  Nord Stream 2, пише аґентура  PAP.

Польща вєдно з дальшыма країнами выходной Европы уж довшый час крітізує тот сполочный проєкт Росії і Німецька, котрый подля них уміцнює міць Кремля над Европов і огрожує безпечность цілого контіненту. (TASR, Pkf)