Шпыталї вітають пропонованы зміны дотуляючі ся ревізных дїянь здравотных поіщовней (ЗП). Принесуть подля них векшу транспарентность при хоснованю здравотных одводів, стабіліту до фінанчных одношінь меджі здравотныма поіщовнями і поскытователями здравотной старостливости і меншу адміністратівну затяж про обидва бокы. Выходить то зо становіск, котры про TASR додали Асоціація штатных шпыталїв СР і Асоціація шпыталїв Словакії. Зміны мать принести новела закона о здравотных поіщовнях. Окрем іншого нёв хоче резорт здравотництва странспарентнити механізм узнаваня і плачіня здравотных выконів.

(TASR, Шутіова)