Центер вольного часу Дуга в Гуменнім в попередніх тыжднях перешов великов реконштрукційов, котрой цільом было енерґетічне шпорованя обєкту. Подля слов пріматора Мілоша Мерічка бы будова мала по новому ушпорити веце як 50 процент енерґій, в порівнаню із станом перед реконштрукційов. Центер вольного часу має нову подобу фасады, што позітівно впливать і на то, як вызерать южна часть намістя. Інвестічну акцію з цілковыма вытратами майже 385 тісяч евр реалізовало місто вдяка дотації од Енвіроменталного фонду.

(Медвідь, TASR)