Депутаты мадярьской владной партії Fidesz не пришли в понедільок на міморядне засіданя Народного згромаджіня, котре скликало шість опозічных партій. Подля сервера index.hu так засіданя не было узнесіняспособне. Опозіція ініціовала скликаня засіданя минувшый тыждень. Депутаты опозіції на засіданю, котре по їх выступах было закінчене з причіны неучасти владного блоку, крітіковали владу за довгодобо хыбны крокы, котрых наслідкы в сучаснім періоді войны і енерґетічной крізы засягнуть жытелів. Меджі такы хыбы за їх словами належыть завислость на російскім ґазі і ропі, зрушіня державных потравиновых резерв, але і спохыбньованя кліматічной крізы.

(Медвідь, TASR)