Атомова енерґія в ниякім припаді не сміє стати жертвов політічной крізы і спорів, котры выникли про войну на Україні, бо іншак не мож вырішыти енерґетічну крізу, выголосив у понедільок в Ню Йорку мадярьскый міністер загранічных діл Петер Сіярто. Інформацію принесла аґентура MTI. Сіярто підкреслив, же у світі є того часу важна політічна і енерґетічна кріза. Вырішіня енерґетічной крізы і наповніня амбіціозных цілів охраны жывотного оточіня не є можливе без выужытя нуклеарьной енерґії, зато є подля його слов важным, жебы тот вопрос не став жертвов політічных спорів. Подля міністра має Мадярьско інтерес на тім, жебы выникнув феровый і честный приступ ку атомовій енерґії, жебы ся їй не дотулила жадна діскрімінація.

(Медвідь, ТASR)