Пряшівскый самосправный край (ПСК) актуално з властных жрідел реалізує штири інвестічны акції за 1,6 міліона евр на середнїх школах в Пряшові, Левочі, Кежмарку і у Свіднику. Іде переважно о реконштрукчны роботы. Продовжує тыж в проєктах сполуфінанцёваных з европскых жрідел в рамках ініціатівы Catching-up Regions на школах в Меджілабірцях, Старій Любовни і Кежмарку в цїлковій вышцї 13,5 міліона евр. TASR о тім інформовала говоркыня края Даша Єленёва. Розрахунок ПСК є про область едукації в актуалнім роцї 2022 становленый на скоро 6 міліонів евр. Інвестічны акції суть наприклад напрямены на матеріалне, технічне і інформачне забезпечіня дїлней і клас, тыж на реконштрукчны роботы школьскых обєктів в подобі оправ стрїх, выкурёваня, оплочіня, як і на модернізацію і довыбавлїня кухней ці выбудованя інтернетовой сїтї а подобно.

(TASR, Шутіова)