Австрія од 1-го авґуста рушыть карантену про особы інфікованы новым коронавірусом. Інформував о тім на вчерайшій пресконференції у Відні міністер здравотницьтва Йоганнес Раух. Пресаґентура TASR інформує на основі справы аґентуры APA. Інфікованы особы з позітівным тестом на ковід, котры ся шак нечують хоро, так будуть мати можность выходити з дому, але мусять носити респіратор тіпу FFP2. Тот собі можуть дати долу, лем як ся находять в природі і мінімалні два метры од них не суть ниякы люди. Од 1-го авґуста будуть мати можность інфікованы люди знова прити і до роботы, так само з респіратором. То неплатить про професії, де бы респіратор їм компліковав выкон роботы, як наприклад у лоґопедів. (TASR, Pkf)