Києв у вівторок ознамив, же за послідні штирі  дні переплавало вызнамным новосприступненым каналом в делті Дуная уж 16 накладных шыф. Україна так выкликала надію, же ся єй і наперек російскій блокації тамтешніх чорноморьскых приставів подарить звышыти єкспорт зерна, інформує аґентура Reuters. Міністерство інфраштруктуры далей приближыло, же далшых 16 шыф актуалні чекать на то, абы были наложены україньскым зерном призначеным на експорт на заграничны  торгы. Далшых 90 шыф знова чекать подля споминаного резорту на вступ до румуньского канала Суліна, котрый споює україньскы і румуньскы приставы на Дунаї з Чорным морьом. (TASR, Pkf)