Перше коло презідентьскых волеб бы по новому могло проходити найпізніше 30 днів перед закінчіньом функчного періоду урядуючого презідента. Моментално платить 60-дньова легота. Скорочіньом має выникнути простор на гармонізацію терміну проходжіня другого кола волеб з терміном проходжіня волеб до Европского парламенту. Выходить то з пропозіції змін Конштітуції Словацькой републікы, котру Міністерство внутрішніх справ передложыло до меджірезортного припомінкогово процесу.

(Медвідь, TASR)