Партія SaS выповіла в середу коалічный договор. Вырішыла о тім Републікова рада, о чім партія інформовала по засіданю. Од премєра Едуарда Геґера очекує выпрацованя нового, котрый буде рефлектовати актуалны політічны реалії і з котрого буде выходити, же міністер фінанцій Іґор Матовіч не буде членом влады. Покля ку тому не дійде до кінця авґуста, міністры SaS подають демісію. Презідія OĽaNO і премєр Геґер апеловали почас вчерашнього дня на SaS, жебы в коаліції зістала. Одход Матовіча з влады презідія руху одшмарила. Рух OĽaNO не є згодный ани з передчасныма вольбами. Премєр Геґер окрім іншого повів, же Словакія пережывать найскаднішы часы в історії і теперь не є час на зосаджіня влады і передчасны вольбы. В сучасній коаліції штирьох партій бы хотіла довладнути і партія Za ľudí, председа партії Sme rodina і єдночасно председа парламенту Борис Коллар повів, же його партія є і за тырваня коаліції, але може заголосовати і за передчасны вольбы.

(Медвідь, TASR)