Україньскый презідент Володимір Зеленьскый повів, же російскый ракетовый удар зничів у середу Педаґоґічну універзіту в Харкові. Зеленьскый о тім бісідовав у ночнім відеоприговорі ку народу. Єдночасно повів, же тяжка зброя, котру Україні загнали западны країны, вже „наповно“ діє і похвалив їй точность, інформує аґентура DPA. В припаді споминаной універзіты Зеленьскый повів, же была засягнута їй головна будова, навчалны салы, універзітный музей і наукова бібліотека. Тота атака за його словами із „100-процентнов точностьов характерізує російску інвазію“ і найвеце описує „дефініцію варварства“.

(Медвідь, TASR)