Словацька комора екзекуторів (СКЕ) варує обчанів, жебы ся про лїтнї вакації не задовжовали. Припоминать, же непримераны фінанчны обовязкы, особливо в часох высокой інфлації і економічной неістоты, можуть привести людей аж до екзекуції. TASR o тім інформовала говоркыня СКЕ Станїслава Колесарова. До позорности давать, же в часох высокой інфлації і очекованых економічных проблемів ся може напротив попереднїм передпокладам вызначно і скоро змініти фінанчна сітуація так єднотливця, як і родины. Высшы гіпотекы, наклады на обыстя цї цїны накупів можуть легко способити, же довжникови не остане ёго очекована фінанчна резерва, з котрой хотїв первісно заплатити свої новы обовязкы. Подля коморы є зато в тім часї особливо важне приступляти ку браню пожычок зодповідно.

(TASR, Шутіова)