Посланці Народной рады (НР) СР вчера голосуваням одмітли пропозицію новелы закона о судох, котрый подали незараджены посланці коло Томаша Тарабу. Хочуть так забранити можному выберу конкретного судцю з боку орґанів чінных в карнім конаню, кедь же завдякы актуалному наставліню правной управы є можне тыждень до переду знати, котрый конкретный судця буде мати в даный день службу і на основі того приспособити процесны крокы. Пленум одмітло і новелу закона о недостаточных условіях в обході  з потравинами з ділні незарадженого посланця Мірослава Сую. Доцілити хотів стлумити наріст цін основных потравин через іх ослободжіня од дани з приданой вартости і призначіня максімалной обходной приражкы  у тых потравин на уровні 40 процент. (TASR, Pkf)