Депутаты мадярьского парламенту у віторок в скороченім леґіслатівнім процесі одшмарили запроваджіня мінімалной дані з прийму великых наднародных компаній. Подля арґументів владного блоку Fidesz-KDNP бы така дань огрозила конкуренціїспособность Мадярьска. Опозічны партії твердять, же влада премєра Віктора Орбана ся поставила на сторону наднародных компаній. Телевізія ATV припоминать, же ОECD в році 2018 ініціовала їднаня о ґлобалній мінімалній дані про великы технолоґічны компанії, што втогды підтримовала і мадярьска влада. Но подля владной партії Fidesz Европскый парламент зачав робити на такзванім другім стовпі, котрый бы тоту дань в сумі 15 процент розшырив і на вшыткы наднародны корпорації.

(Медвідь, TASR)