Британьска тайна служба в середу в реґулярній справі о сітуації на Україні якбач потвердила, же в бункрох під хімічным заводом Азот в місті Северодонецьк ся окрім україньскых вояків скрывають  і стовкы цівілістів. Пресаґентура TASR о тім інформує на основі справы денника The Guardian. “По высше місяці тяжкых боїв російскы силы в сучасности контролюють векшыну Северодонецька,“ уваджать  британьска тайна служба в справі о актуалні сітуації на Україні. Єдночасно додавать, же російска тактіка містьского боя, котрой основов є поужытя ділострілецьтва, запричінила в данім выходоукраїньскім місті розсяглы шкоды. (TASR, Pkf)