В ґрекокатолицькій церькви ся вчера по вечурні зачав Петропавлівскый піст, называный і  як Петровка або Петрівка. Наслідує по скончіню періоду Пасхы, Сошествію Святого Духа і свята Святой Троці а кончіть 28-го юна, в підвечур свята  святых апостолів – Петра і Павла. Петропавлівскый піст є по Святій Штиридцятніці перед Пасхов і Філіповці, шістьтыждньовім пості перед Рождеством, в ряді третій што до важности в ґрекокатолицькій церькви. Піст ся в тім часі дотримує в понедількы, середы і пятніці. Дотримованя посту є добровольне. Тот період є часом молитв і духовной приправы на свято св. Петра і Павла, котрый ся в церьквах славить 29-го юна подля ґріґоріаньского календаря і 12-го юла подля юліаньского календаря.  (TASR, Pkf)