Термін на подаваня номінацій на верейного охранцу прав зась пересунули. Першый термін первісно становили на 25. фебруара, омбудсмана мали посланцї Народной рады СР волити іщі на марцовій сходзі. Одвтоды ся вольба пересувать. Найновше председа НР СР Боріс Коллар (Sme rodina) становив термін подаваня пропозіцій на 26. авґуста. Пленум мать наслїдно волити омбудсмана на сходзі, котра ся мать зачати 13. септембра. Выходить то з інформацій опублікованых на сайтї парламенту. Пост омбудсмана уж не є обсадженый веце як два місяцї. Верейного охранцю прав волить парламент на пять років з кандідатів, котрых пропонує найменше 15 посланцїв.

(TASR, Шутіова)