Посланці Народной рады  СР (НР СР) ся вернуть до лавк знова завтра, 24-го мая. У віторок од 9.00 год бы ся мали веновати новелі закона о потравинах з ділні міністерства землегосподарьства. Наслідні о 11.00 год бы мало пленум голосувати і о посунутю трьох законів, котры продіскутує в тзв. прискоренім режімі, до другого чітаня. По завтрайшім голосуваню бы мали засідати выборы і од 14.00 год бы мали посланці дебатовати о пропозиціях протіінфлачной помочі, зданіню вынятковых приймів з ропы, як і о тзв. lex Ukrajina 3 уж в другім чітаню. Окрім того бы мали посланці на споминанім засіданю продіскутовати і новелу закона о медіалных службах ці владній пропозиції закона о выдавательох публікацій і о реґістрі медії і авдіовізії. (TASR, Pkf)