Містны самосправы, школы, церькви і незісковы орґанізації можуть жадати о фінанчный приспівок з Фонду малых проєктів в рамках Проґраму сполупрацы Інтерреґ В-А Словацька републіка – Мадярьско. Єден проєкт мать шанцу здобыти од 20.000 до 50.000 евр. Актуална вызва є становлена про жадателїв з выходной проґрамовой области, де спадають Кошіцькый і Баньскобыстріцкый край а штири мадярьскы пригранічны жупы. Інформовав о тім Кошіцькый самосправный край. Термін узавіеркы є 17. юна. Жадати о приспівок мож наприклад на орґанізацію черезгранічных подїй і фестівалів, підпору двойязычности в пригранічнім реґіонї, ціклотуру, табор ці тематічный заязд. Близшы інформації ку вызві і жадостям о фінанчный приспівок про малы проєкты суть на вебовім сайтї http://www.viacarpatia-spf.eu/-vyzva-na-predkladanie-ziadosti-o-fp.

(TASR, Шутіова)