Словакія при войні на Україні поставила ся на правилный бік історії. Україну буде підтирмовати аж до цілковой перемогы. На братіславскім згромаджіню під назвов Докінчіме то то повів премєр Едуард Геґер. Акція на підпору Україні і за очіщіня державы од мафії проходила вчера на братіславскім Намістю СНП. Подля Геґера Словакія теперь вказала цілому світу, же розуміє жывоту, знає сердечно і щіро прияти людей, котры втікають перед войнов. Так само премєр повів, же є гордый на Словаків. Державный секратарь резорту діпломації Томаш Клус на події повів, же Україна воює і за Словакію. За його словами Українці вмерають за тото, жебы раз были частьов Европы, котрой частьов є і Словакія, і з котрой подакотры хотять Словакію інтензівно вытрогнути.

(Медвідь, TASR)