Мадярьскый парламент, Народне згромаджіня, в понедільок в Будапешті зышов ся на своїм установлюючім засіданю. Як інфомровала аґентура MTI, на зачатку нового парламентного ціклу посланці склали присягу. Блок Fidesz-KDNP має в парламенті із 135-ма депутатами конштітучну векшыну. Тым, же новы депутаты склали присягу, конштітуовав ся новый парламент і заникнув мандат влады, котра выникла по вольбах у 2018-ім році. Тот кабінет, ведженый Віктором Орбаном, буде теперь фунґовати як урядницька влада, покля не выникне новый кабінет, інформовав на своїм сайті денник Hungary Today.

(Медвідь, TASR)