Америцька біотехнолоґічна фірма Модерна у четверь ознамила, же одовздала жадость о схвалїня своёй вакціны проти ковіду на нудзове хоснованя в США про дїти у віку од шестёх місяцїв до шестёх років. Інформовала о тім тискова аґентура AFP. ,,Сьме пересвідчены, же (тота вакціна) годна безпечно хранити дїти проти SARS-CoV-2, што є барз важне в нашім продовжуючім бою проти захворіню COVID-19, а же ю привитають передовшыткым родіче і  опатровницї,“ написав в ознамлїню ґенералный директор Модерны Стефан Банцел. Компанія в марцу ознамила резултаты своїх екзаменів, котры указали, же двойдавковый режім є про тоты дїти безпечный а принесе їм силну імунітну одповідь.

(TASR, Шутіова)