Выбор народной рады Словацькой републікы про културу і медії опублікує в середу вызву на приголошіня ся кандідатів на позіцію ґенералного директора RTVS. Кандідаты можуть голосити ся до 27-го мая. Публічне выслухованя кандідатів буде 13-го юна, в остатній декаді місяця юн одбуде ся вольба в пленумі парламенту. Пропозіцію вызвы і правил публічного выслухованя кандідатів схвалили членове парламентного выбору на днешнім засіданю. До 15-го юна має выбор передложыти пропозіцію на вольбу ґенералного директора RTVS із своїм становиском Народній раді. Вольба має в пленумі парламенту проходити 22-го юна, припадна повторяна вольба 29-го юна.

(Медвідь, TASR)