Словацькый премєр Едуард Геґер выслосвив пересвідчіня, же демократічны країны не сміють зохабити одстрашыти ся Російов і мусять додавати максімалну поміч Україні. Подля премєра Росія реално має намагу розбити єдность, котру маєме в демократічнім світі, і то не можеме допустити. Повів то почас пятніцьового выступліня у высыланю америцькой інформачной телевізії CNN. В куртім інтервю, котре было по анґліцькы, Геґер бісідовав о сістемі противоздушной обороны С-300, котру Словакія подаровала Києву, як і о припаднім доданю літаків МіҐ-29 ці далшых формах словацькой помочі Україні, але і о намагах Словакії знижыти залежность од додавок енерґетічных комодіт із Росії.

(Медвідь, TASR)