Папа Франціск в септембрі навщівить Казахстан, де буде брати участь на діалоґу меджі представителяи різных реліґій. В понедільок о тім інформовав уряд казахского презідента. Папа подля уряду презідента почас відеоконференції з казахскым презідентом Касимом-Жомартом Токаєвом потвердив офіціалну навщіву і участь на семім Конґресі світовых і традічных реліґій, котрый має проходити 14-го і 15-го септембра. Тота подія орґанізує ся кажды три рокы в Казахстані. Першый річник одбыв ся у 2003-ім році, припоминать аґентура AFP.

(Медвідь, TASR)