Україньскый презідент Володимір Зеленьскый выменовав членів делеґації, котра буде діскутовати з Російов о безпечностных ґаранціях. У віторок о тім інформовала аґентура DPA. Шеф україньской делеґації на мірных їднанях Давід Арахамія буде вести і розговоры о безпечностных ґаранціях, як выходить з декрету підписаного Зеленьскым. В делеґації повіреній выпрацованьом безпечностных ґаранцій буде і радник презідента Михайло Подоляк. Почас їднаня з Москвов на кінцю марца Київ проявив охоту підписати договор о невтраліті Україны, але за тото жадать безпечностны ґаранції. Тоты бы мали ґарантовати постоянны членове Безпечностной рады Орґанізації зъєдиненых народів і фунґовали бы подля моделу Североатлантічной аліанції.

(Медвідь, TASR)