Словакія буде мусіти ся приправити на рішеня раптового одпоїня додавок російского пліну. Іде о выслідок вчерайшого їднаня Безпечностной рады. Вечур о тім інформував премєр Едуард Геґер на соціалній сіті. Як дале поуказав, же покы на Україні Росія боює бомбами, в решті Европы пліном. Припомянув і пожадавку Росії, абы европськы одберателі платили за плін в рубльох. Про Словацькый плінареньскый промысел то значіть, же бы мусів найскорше купити за евра рублі і потім за здобыты рублі купити од російского Ґазпрону плін. Тым бы подля Геґера была Словакія залежна од Росії нелем енерґетічно, але і фінанчні. (TASR, Pkf)