Мадярьска поліція затримала при югомадярьскім селі Мораголом обывателя Словацькой републикы, транспортуючого в авті Fiat Ducato зо словацьков евіденчнов значков 11 ілеґалных міґрантів, котры перед тым нарушыли штатны границі. Інформує о тім справодайця пресаґентуры TASR  з одкликаням ся на справу поліції Чонґрадско-чанадской жупы опублікованой днесь на інтернетовій сторинці police.hu. Поліція 50-рочного шофера предвела на поліцайну станіцю  в Сеґедіні, де го зачала стигати про підозріня з карного діяня превадзачства, за што му в сітуації доказуваня вины загрожує трест однятя слободы в розсягу найменше од єдного до пятьох років, пише поліція. (TASR, Pkf)