Швеція од свого вступу до Европской унії уж не є „досправды невтрална“ і в країні так само проходить діскусія о можливім вступі до НАТО. Повіла то в понедільок шведьска премєрка Маґдалена Андерссонова. Премєрка припомянула, же сітуація в области безпечности в Европі мінить ся. У Швеції за їй словами проходить діскусія о вступі до Североатлантічной аліанції, і то, што є про Швецію „найліпша путь“, ся буде подля Андерссоновой знати аж по закончіню тых діскусій. Шведьска премєрка в понедільок в Берліні їднала з канцеларьом Олафом Шолцом, бісідовали і о сітуації на Україні. Атака Москвы подля ньой не односить ся лем на Україну, але і на европску безпечностну архітектуру.

(Медвідь, TASR)