Німецька міністерка обороны Хрістіне Ламбрехтова обгайовала в неділю мовчаня сполковой влады в Берліні у звязку з додавками зброї на Україну. Пише о тім аґентура DPA. Як дале повіла міністерка, же при першых додавках зброї на Україну, де одбывать ся російско воєньска інвазія, были подля ньой опублікованы і трасы, наслідком чого были заінтересованы особы огрожены на жывоті. В неділю джерела україньской влады інформували, же країна од Німецька прияла 500 протілетадловых ракет тіпу Стріла, припоминать  DPA. Актуалні ся бісідувало о 2700 ракетах, на їх доданю ся шак найскоріше мусіла договорити сполкова безпечностна рада. (TASR, Pkf)