Словакія вырішыла выгостити трьох робітників російской амбасады на Словакії. Причінов є їх діяня в незгоді з Віденьскым договором о діпломатічных службах. TASR о тім інформовав говорця резорту діпломації Юрай Томаґа. Словакію мусять опустити до 72 годин. Словакія ку тому приступила на основі інформацій од тайных служеб. Міністерство загранічных діл єдночасно вызвало російску амбасаду, жебы їй представителі выконовали свою роботу в згоді з Віденьскым договором і перестали з далшыма актівностями в незгоді з ним, як і далшыма устновліняни меджінародного права а діпломатічныма звычаями. Denník N вчера інформовав, же словацькы безпечностны силы мали затримати три особы про підозріня зо шпіонажи. Меджі нима має быти полковник із Міністерства обороны, член Словацькой інформачной службы і особа повязана з вебом Hlavné správy. Шпіонаж мали робити про Росію, співпрацовати мали з людми з російской амбасады.

(Медвідь, TASR)