Зачатя приступовых їднань із Севернов Македонійов і Албанійов є ґеополітічнов пріорітов Европской комісії. Брусел буде продовжовати в їднанях з Булгарійов, жебы здобыти згоду Софії з приятьом Северной Македонії до Европской унії. В понедільок то повів высокый представитель Унії Жосеп Боррелл почас навщівы в Скопє, інформує аґентура Reuters. Боррелл почас навщівы выголосив, же Унія запропонує укріпіня безпечности і обороны країн западного Балкану з цільом „укотвити“ реґіон певно в рамках 27-членного блоку посеред страху з огрожінь з боку Росії. Шеф европской діпломації повів, же то момент на „ожывліня процесу розшырьованя“ Унії, і формалны їднаня о приступліню Северной Македонії і Албанії бы ся подля нього мали почати чімскоріше.

(Медвідь, ТASR)