Вночі на неділю быв оголошеный пожар спальовні акумулаторів на Їлемніцького уліці в Пряшові. Про аґентуру  TASR то потвердив операчный достойник Крайской дирекції Гасічского і захранного збору в Пряшові. Пожар гасічам наголосили коротко по 3-ій годині вночі, по 5-ій годині быв локалізованый. На місці горіла і сама будова фірмы Fecupral. Гасічі мусили выужыти вышкову техніку. Засяговало 16 членів зо Сабінова, Пряшова і Раславіць, котры з огньом бойовали коло 11 годин. Прічіны взнику пожару затля не суть знамы. На місці подля гасічів нихто не быв пораненый. Шкоды были вычіслены на 200.000 евр. (TASR, Pkf)

Foto: HaZZ