Позор на фалошны телефонаты

Поліція в Кошыцькім краю зась упозорнює перед жыванами, котры пробують вылакати од сеніорів пінязї ці цїнности. Теперь циґанили же суть заместнанцями Соціалной поістёвни, котры обчанім особно доручать 350 евр, але потребують выдати з 500-евровой банковкы. Поліція радить обчанім, жебы не давали інформації посередництвом телефонічных розговорів незнамым особам о своїх маєктовых померох а не віровали їм. ,,Кедь мають обчане підозріня з телефонічного контактованя, най то такой ознамлять посередництвом лінкы 158,“ повіла кошыцька крайска говоркыня Яна Месарова.

(TASR, Шутіова)