Кeбы быв Smer-SD у владі, неміг бы узнати існуваня двох републик на выході Україны – Донецьку людову републику і Луганьску людову републику. Увів то експремєр і лідер Smeru-SD Роберт Фіцо на вчерайшій пресконференції. Як дале повів, же вірить же такый самый погляд буде мати і парламентный заграничный выбор на своїм засіданю. У звязку зо сітуаційов на Україні Фіцо подля властных слов неможе єднозначні повісти, што ся там діє. Сітуацію означів за неясну і поуказав на різны інформації з різных джерел. Скламаный є і з діпломації Европськой унії, котра чекать на крокы США. (TASR, Pkf)