День материньского языка одсвяткували собі школярі  русиньской основной і середньой школы Петра Кузмяка в Руськім Керестурі. Традично, старшы школярі в ґімназії під керуваням професоркы русиньского языка Люпкы Малоцко приправили выставу під назвов “Язык наш насущный“ з прикладами добрых практик, але і языковых блудів, котры суть стрічаны в соціалных медіях, в рекламных оголошенях ці офіціалных названях. Молодшы школярі основной школы, знова під керуваням учітелькы русиньского языка Каролины Джуджар зрыхтовали плаґаты з пословіцами, языковыма загадками ці назвами  русиньскых книжок. Старшы школярі од учітелькы Тамары Хомы выслухали собі лекцію о значіню языка і о його правильнім хоснуваню. (ЛЕМ.ФМ, Pkf), Джерело фотоґрафії : ЛЕМ.ФМ