В понедільок собі в Кошыцях припомянули 25 років од выникнутя Кошыцького апостольского екзархату. Екзархат быв зрядженый на теріторії Кошыцького самосправного краю булов Ecclesiales communitates Папы римского Йоана Павла ІІ. Теріторія была одділена од втогдышньой Пряшівской ґрекокатолицькой єпархії. За першого екзарху быв призначеный владыка Мілан Хаутур, котрый быв довтогды пряшівскым помічным єпіскопом. Екзархат быв в році 2008 реорґанізованый на єпархію і дістав ся до складу Пряшівской метрополії. В рамках того процесу втогды выникла і Братіславска єпархія. Екзархат, а пак і єпархію вів аж до року 2020 владыка Хаутур, од 2020-го року як апостольскый адміністратор, і од 2021-го року як єпарха веде єпіскопство архієпіскоп Кіріл Василь.

(Медвідь)