Часть російскых воєньскых сил з близкости україньскых граніць вертать на свої домашні базы. Днесь о тім інформовала аґентура AFP з одкликаньом ся на російске Міністерство обороны. Говорця міністерства повів, же силы з Южного і Западного воєньского округу по сповніню задач желізнічным і драговым транспортом днесь зачінають одходити на свої базы. Запад, а головно США, вже тыждні звертають увагу на то, же Росія бы могла напасти на Україну, кедьже коло граніць концентровала понад 100 тісяч вояків. Росія такы высловы дементує, твердить, же не є огрожіньом, но жадать од НАТО і США безпечностны ґаранції, в рамках котрых хоче, жебы Україна не стала членом Аліанції.

(Медвідь, TASR)