Забезпечіня питной воды і каналізації про 28 сел в окресі Снина є о крок ближе ку реалізації. Посланці Пряшівского крайского заступительства  на понедільковім засіданю схвалили жадость о фінанції на предпроєктову приправу потребну на забезпечіня основной енвіроменталной інфраштруктуры. Єдночасно схвалили і сполуфінанцованя проєкту. Пресаґентуру TASR о тім інформовала Леа Геілова з одділіня комунікації і пропаґації Уряду Пряшівского самосправного краю. Очекованый кельчік на проєкт є 1,56 міліон евр. Край хоче о фінанції пожадати через Інтеґрованый реґіоналный операчный проґрам. Сполуфінанцованя бы мало быти пять процент, то є 78.000 евр. (TASR, Pkf)