Громаджіня російскых войск в близкости україньскых граніць і страхы Западу з можливой російской інвазії на Україну были темы понедількового засіданя Безпечностной рады Орґанізації зъєдиненых народів у Ню Йорку. Америцькый посол при ОЗН Лінда Томасова-Ґрінфілдова обвинила Москву, же почас дакілько тыжднів планує розмістити в Білоросії аж 30 тісяч російскых вояків. Подля ньой іде о бойовы силы „приготовлены выконовати атакуючі акції на Україні“. Вашінґтон подля ньой не хоче конфронтацію, але в припаді інвазії на Україну бы США діяли фрышно.

(Медвідь, ТASR)