У незаскіпеных людей, котры ся інфікують коронавірусповым варіянтом омікрон, очівідні існує – в порівняню з попередніма варіянтами – менша правдеподібність важного розвитку захворіня, госпіталізації або вмертя. Выходить то покы з нерецензованой штудії югоафрицького Народного інштитуту про переносны захворіня (NICD), котрой выслідкы были опублікованы в пятницю. Інформувала о тім аґентура Reuters. Штудія была зреалізувана в провінції Западне Капско в Югоафрицькій републиці. Порівнювала скоро 11.600 пацєнтів з попередніх трьох вовн пандемії зо скоро 5100 пацєнтами, котры ся інфікували в актуалній вовні запричіненой варіянтом омікрон. Науковці на основі компарації пришли до высновку, же різіко важного розвитку захворіня ся понижує  при омікроні скоро о 25 процент з причіны шпеціфічных характерістік даного варіянту. (TASR, Pkf)