Словацькый европосланець Мартін Шімечка ся як єден з новых підпредседів Европского парламенту буде снажыти і о то, абы ся тота інштітуція стала сілнішов, компактінішов і дінаміцкішов силов і умістнила охрану основных цінностей Европской унії до центра свойого проґраму. Шімечка то увів вчера вечур коротко по тім, як ся дознав выслідок другого кола голосуваня о місцях 14 підпредседів Европского парламенту. В першім колі му хыбувало 15 голосів до перекрочіня потрібной надполовічной векшыны, друге коло выграв і про лібералну фракцію Обновме Европу здобыв друге найвекше чісло голосів. (TASR, Pkf)