Пряшівскый самосправный край по рочній перерві готує шпортову анкету Шпортовець ПСК. У ній оцінить шпортовців і колектівы, котры в 2021-ім році досягли найліпшы успіхы. Номінації буде край приїмати до 10-го януара 2022-го року. Главным є, жебы то быв шпортовець або шпортовый клуб з Пряшівского  краю. Крайска самосправа приїмать номінації і спомеджі зневыгодненых шпортовців, сеніорьскых і молодежных шпортовых колектівів. Номінації ся дотуляють і найуспішнішых тренерів в катеґорії дорослых, молодежы ці найвекшый талент до 15 років. Лавреатів выбере одборна комісія актівных новинарів, представителів пряшівской жупы і Крайского шпортового центра в Пряшові. Буде уділена і Ціна председы ПСК, вітяза выголосять і в інтернетвім публічнім голосованю. Славностне  оцініня є плановане на 17-го марца 2022-го року.  (TASR, Pkf)