Віфлеємске світло прийде на Словакію тот вікенд, скавты го принесуть по 32- раз. Презідентка Зузана Чапутова прийме Віфлеємске світло в понедїлёк (13.12.), піде так о перше офіціалне приятя на Словакії. Інформовала о тім таёмнічка Рады про комунікацію Словацького скавтінґу Луція Тотгова. В суботу (11.12.) сі словацькы скавты світло переберуть од скавтів з Австрії. Наслїдно го подля Тотговой в недїлю (12.12.) передають на польско-словацькых граніцях польскым скавтом а пополідне на граніцях скавтом з Україны. Світло ся буде дале дістрібуовати по Словакії в наслїдуючіх днях, жебы было доступне в што найвеце містах, самособов ся будуть решпектовати вшыткы пандемічны превентівны крокы. Головныма місцями на одпалїня Віфлеємского світла будуть прімарно церькви а традічны становіща в містах.

(TASR, Шутіова)