Пряшівскый самосправный край буде у 2022-ім році господарити з розрахунком понад 249 міліонів евр. Крайскы депутаты го схвалили на своїм понедільковім засіданю. Розрахунок є схваленый як вырівнаный. Як повів ведучій одділіня фінанцій Уряду ПСК Петер Макара, ку розрахунку приступали конзерватівно, кедьже уряд знать, яка є сітуація. Подля Макары знижують ся робочі місця і много людей є роботынеспособных, зато є і зниженый выбер дані із заробітку фізічных особ. Розрахунок є в порівнаню з актуалным роком векшый о веце як сім міліонів. Єднов з пріоріт розрахунку на слідуючій рік є область транспорту.

(Медвідь, TASR)