Коалічна рада вчера їднала о далшім поступі при локдавні. Партія SaS хотіла бісідовати о припаднім увольньованю рештрікцій. Депутат народной рады і бывшый міністер здравотництва Марек Крайчі собі думать, же найміцніша владна партія підпорить пропозіцію конзілії фаховців, котра пропонує продовжыти локдавн до 16-го децембра. Віцепремєрка і міністерка інвестіцій, реґіонланого розвитку і інформатізації Вероніка Ремішова выголосила, же локдавн не є утримательне і довгодобе рішіня. На коалічній раді хотіла просадити увольніня рештрікцій про вакцінованых людей.

(Медвідь, TASR)