Мімопарламентна партія Hlas-SD жадать стягнути пропозіцію новелы высокошкольского закона. Має обавы з різіка політізації веджіня універзіт. Лідер партії Петер Пеллеґріні не акцептує натиск, котрый подля нього влада робить тым, же говорить о заставліню грошей з плану обновы, покля новела не перейде. Влада подля нього хоче войовати з універзітами і зо штудентами. Hlas-SD жадать, жебы шев лібералів і віцепремєр Ріхард Сулик і міністер школства Браніслав Ґрылінґ іщі днесь стягли пропозіцію з леґіслатівного пероцесу. Експерт партії на школство Роберт Жембера припомянув, же пропозіція новелы обмеджує академічну самосправу і вытворить можность політізації высокых школ. Высокошкольскы репрезентації, веце універзіт і штуденты орґанізують днесь Одповідный протест за слободны універзіты. Высловити хотять незгоду з новелов закона о высокых школах.

(Медвідь, TASR)