В тогорочній анкетї Надації Екополіс ся Стромом рока став бук лїсный зо Старого Смоковця, перезываный і як татраньска амбрела ці стром залюбенцїв. Як TASR за надацію інформовала Мартіна Р. Громадова, на ярь буде Словакію репрезентовати в змаганю Европскый стром рока. Вітязный бук означують Татранцї за домінанту села. Одгадує ся, же быв засадженый в 50. роках минулого стороча. Друге місце в змаганю обсядив дуб лїтнїй з Ґіралтовець а третє місце здобыла екзотічна каталпа біґноніовита з Гнущі. Вітязны стромы здобудуть фінанчну выгру у вышцї 300 евр, котра є становлена на одборны дендролоґічны посудкы, арборістічне ошетрїня ці управу околіцї.

(TASR, Шутіова)